زانکۆیا زاخۆ ب خۆشحاڵی ڤە ڕادگەهینیت کو یاداشتنامەیەکا لێکتێگەهشتنێ دگەل ئۆپێن سپەیس ئەکادێمی ئیمزا کر، کو ب ڤێ چەندێ زانکۆ دێ بیتە هەڤپشکەکێ زانستی یێ دیدارا "هزرگەهـ" - دیدارەکا هەرێمییە ل ڕۆژێن (١٨ هەتا ٢٠ـی ئابا ٢٠٢٦) ل باژێرێ زاخۆ ب درووشمێ "ل سەر دووڕیانێ - ئەو جھێ هزر لێ دروست دبن" دێ برێڤە چیت.

هزرگەهـ دێ (٤٠٠) پشکداران ل دەڤ ئێک کۆم کەت ژ ڤەکۆلەران، کارسازان، سەرکردەیێن جڤاکێ مەدەنی و مێڤانێن ناڤدەولەتی - د دەمێ سێ ڕۆژان دا ل کەلها زاخۆ و کەمپەسا زانکۆیا زاخۆ. ئەڤ دیدارە ژلایێ ئۆپێن سپەیس ئەکادێمی ڤە دهێتە ڕێکخستن ب هەڤپشکیا فەرمی لگەل ئیدارا سەربەخۆیا زاخۆ، و ل سەر دەهـ تەوەرێن سەرەکی دهێتە ئەنجامدان: کەلتوور، پەروەردە، دارایی، ئابوور، ژینگەهـ، ساخلەمی، ب هێزکرنا گەنجان، زانست و تەکنۆلۆژیا، ماف و دیموکراسی.

هزرگەهـ مەزنترین دیدارا هەرێمییە کو ژ لایێ ئۆپێن سپەیس ئەکادێمی ڤە دهێتە ڕێکخستن، ل ئیدارا سەربەخۆیا زاخۆ و کەمپەسا زانکۆیا زاخۆ ل ڕۆژێن (١٨-٢٠ ئاب ٢٠٢٦). ب درووشمێ "ل سەر دووڕیانێ — ئەو جھێ هزر لێ دروست دبن"، دیدار دێ مێڤانکاریا دەهـ تەوەرێن جیاواز، شەش ڕوینشتنێن گشتی، دەهـ وۆرکشۆپ و سێ چالاکییێن سەرەکی کەت: کۆمبوونا پارێزگاران، فاڵینگ واڵز لاب یا هەرێما کوردستانا عێراقێ، و لوتکەیا دیپلۆماسی.
ئەڤ دیدارە هاتییە دیزاینکرن بۆ کۆمکرنا شارەزا، ڤەکۆلەر و سەرکردەیێن دامەزراوەیی یێن دەڤەرێ بۆ سێ ڕۆژێن دانوستاندنا، کو دەرئەنجام دێ د ناڤ "گۆڤارا هزرگەهـ" دا هێنە بەلاڤکرن.
نوکە دەرگەهێ پێشکێشکرنێ بۆ پشکداریکردنێ د هزرگەهـ دا ڤەکرییە. ئەندامێن زانکۆیا زاخۆ — ژ مامۆستا، ڤەکۆلەر، قوتابیێن خواندنا بلند و دەرچوویان — ب گەرمی دهێنە هاندان دا داخوازنامەیێن خۆ پێشکێش بکەن. بۆ پتر پێزانینان و پێشکێشکرنێ، سەرەدانا ڤێ لینکێ بکەن: https://openspace.ac/events/hizrgeh

https://www.instagram.com/p/DX4d_ntCE52/?igsh=MWI4MjR1Y3pnNHZyOA==